Ermənistan Qərb dövlətləri ilə münasibətlərini öz təhlükəsizliyi naminə gücləndirir, bu, Rusiyaya qarşı deyil.
"Operativ Məlumat Mərkəzi-OMM" "TASS"a istinadən xəbər verir ki, bunu baş nazir Nikol Paşinyanın “Vətəndaş müqaviləsi” partiyasının üzvü, parlamentin regional məsələlər və Avrasiya inteqrasiyası məsələləri üzrə daimi komitəsinin sədr müavini Vaqarşak Akopyan deyib.
“Ermənistan Respublikası bir ölkə ilə münasibətlərini dərinləşdirəndə bu, başqa ölkəyə, xüsusən də bizim müttəfiqimiz olan Rusiya Federasiyasına yönəldilmir”, - deyə Akopyan bildirib.
Onun sözlərinə görə, Ermənistan Qərb dövlətləri ilə münasibətlərini yalnız iqtisadi inkişafı və ölkənin təhlükəsizliyini artırmaq məqsədi ilə “dərinləşdirir”.