Afət Ziyadqızı
Terrorçuların və terrordan siyasi fəaliyyət kimi istifadə edənlərin üzünə Türkiyənin qapıları bağlıdır.
"Operativ Məlumat Mərkəzi-OMM" xəbər verir ki, bu barədə prezident Rəcəb Tayyib Ərdoğan sosial şəbəkədə məlumat verib.
“Əlbəttə, hər kəslə hər şeyi danışmağa hazırıq, amma qapımız həm terrorçulara, həm də terror təşkilatı adı altında siyasət oynayanlara bağlıdır. Türkiyə 40 ildir terrorun bədəlini ödədi, biz buna daha 40 il dözməyəcəyik”,- deyə Ərdoğan bildirib.
Türkiyə lideri qeyd edib ki, Türkiyənin təhlükəsizliyini ağırlaşdırmağa davam edən bu yükdən artıq ölkənin xilas olmaq vaxtıdır. Ərdoğan türk müxalifətini də terror təşkilatları ilə əlaqədə olmaqda ittiham edib.
