"Çelsi"nin yarımmüdafiəçisi Enzo Fernandes "Real Madrid"in transfer hədəfinə çevrilib.
"Operativ Məlumat Mərkəzi-OMM" xəbər verir ki, bu barədə "TEAMtalk" məlumat yayıb.
Məlumata görə, "Real Madrid" yay transfer pəncərəsində argentinalı yarımmüdafiəçini almağa çalışacaq.
Qeyd olunur ki, Fernandes özü də "Santyaqo Bernabeu"ya keçməyə açıqdır.
Bu mövsüm 24 yaşlı yarımmüdafiəçi bütün turnirlərdə 34 matçda iştirak edib, 5 qol vurub və 9 məhsuldar ötürmə edib.
Fernandesin "Çelsi" ilə müqaviləsi 2032-ci ilə qədərdir.
"Transfermarkt" mütəxəssisləri futbolçunun dəyərini 75 milyon avro qiymətləndirir.
