Emiliano Martinesin çənəsi sınıb, əməliyyat olunacaq

“Çelsi”nin qapıçısı Emiliano Martines İngiltərə Premyer Liqasının 7-ci turunda “Everton”la keçirilən oyunda zədələnib. London təmsilçisi həmin matçda 2:0 hesabı ilə qalib gəlib.

Martines top uğrunda mübarizədə “Everton”un futbolçusu ilə toqquşub. Hadisədən sonra meydana daxil olan həkimlər argentinalı qapıçıya yardım göstərib və ona oksigen maskası taxıblar. Martines meydanı xərəkdə tərk edib.

Jurnalist Qaston Edulun “X” sosial şəbəkəsində verdiyi məlumata görə, Martines xəstəxanadadır və huşu özündədir. Başının kompüter tomoqrafiyasının, eləcə də bel və boyun müayinələrinin nəticələrində hər hansı kənaraçıxma aşkarlanmayıb. Qapıçının çənə sümüyündə sınıq müəyyən edilib. Onun xəstəxanada qalmasının səbəbi də budur.

Martinesin əməliyyat olunması tələb edilir. O, ötən yay “Aston Villa”dan “Çelsi”yə keçib. London klubunda 6 oyuna çıxan qapıçı 11 qol buraxıb, bir matçda isə qapısını toxunulmaz saxlayıb.