"Ayntraxt Frankfurt"un hücumçusu Uqo Ekitike növbəti transfer pəncərəsində klubunu dəyişə bilər.
"Operativ Məlumat Mərkəzi-OMM" "Sky Sport"a istinadən xəbər verir ki, 22 yaşlı fransız Frankfurt klubunun Çempionlar Liqasında iştirakına baxmayaraq, karyerasını başqa komandada davam etdirmək istədiyini açıq şəkildə bildirib.
Klub gənc futbolçunun transferi üçün 100 milyon avro civarında pul tələb edir.
Ekitike 2024-cü ilin yayında PSJ-dən Frankfurt klubuna keçib.
Bu mövsüm o, komandanın hücumunda əsas fiqur olub: 48 matç, 22 qol və 12 məhsuldar ötürmə.
