ABŞ-nin Massaçusets ştatının Boston şəhərində həkimlər ana bətnində olan körpə üzərində əməliyyat keçirərək ölkənin tibb tarixinə düşüblər.
"Operativ Məlumat Mərkəzi-OMM" xarici KİV-ə istnadən xəbər verir ki, əməliyyat uğurlu keçib, ana və körpənin səhhətinin yaxşı olduğu açıqlanıb.
Luiziana ştatında yaşayan Derek və Kenyatta Koulman adi müayinə üçün getdikləri xəstəxanada həkimlərin qeyri-adi bir şey gördüyünü öyrəniblər.
Yerli media xəbər verir ki, həkimlər körpənin beynində damar qüsuru, nadir qan damar anomaliyasını aşkar ediblər.
Körpənin beynini müşahidə edən həkimlər qüsurun təhlükəli şəkildə böyüdüyünü bildiriblər.
Cütlüyün razılığı ilə əməliyyat aparılıb və körpə sağlam doğulub. Bu prosedur tibb tarixinə ABŞ-də ana bətnində olan körpə üzərində edilən ilk əməliyyat kimi düşüb.
