Danimarka təsərrüfat heyvanlarının buraxdığı istixana qazları vergiyə cəlb edəcək

Danimarka iqlim dəyişikliyi ilə mübarizə planı çərçivəsində metan qazı emissiyalarını azaltmaq üçün 2030-cu ildən etibarən kənd təsərrüfatı heyvanları tərəfindən buraxılan istixana qazlarına vergi tətbiq edəcəyini açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Vergitutma çərçivəsində 2030-cu ildən etibarən heyvandarlıqla məşğul olan fermerlərdən hər ton karbon qazı ekvivalenti emissiyası üçün 300 kron (43 ABŞ dolları) vergi tutulacaq. Vergi 2035-ci ilə qədər 750 krona (108 dollar) yüksələcək.

Vergiyə dair təklif bu ilin sonuna doğru Danimarka parlamenti Folketingə təqdim olunacaq.