OMM Redaksiyası
“Sabah”ın baş məşqçisi Valdas Dambrauskas UEFA Çempionlar Liqasının Liqa mərhələsinin ikinci turunda “Slaviya” üzərində qazanılan 2:0 hesablı qələbəni şərh edib.
Litvalı mütəxəssis matçdan sonra komandasının rəqibi yaxşı təhlil etdiyini və oyuna hazırlıqlı çıxdığını bildirib. Onun sözlərinə görə, “Sabah” ilk dəqiqələrdən təzyiq göstərib və “Slaviya”nın boşluqlarından xəbərdar olub.
“İlk dəqiqələrdən rəqibə təzyiq göstərirdik. “Slaviya”nı yaxşı təhlil etmişdik, boşluqlarını bilirdik. Bu komanda fiziki cəhətdən inanılmaz dərəcədə güclüdür”, – Dambrauskas deyib.
Baş məşqçi ikinci hissənin əvvəlində vurulan qolun əhəmiyyətini vurğulayıb və futbolçularının xarakter nümayiş etdirdiyini qeyd edib. O, Bakı Olimpiya Stadionunda keçirilən qarşılaşmanın “Sabah”ın doğma meydanda ilk oyunu və ilk qələbəsi olduğunu bildirib.
“Azarkeşlərimizə demək istəyirəm ki, növbəti oyunda onların sayının daha çox olmasını istəyirik”, – mütəxəssis əlavə edib.
“Sabah” bu qələbə ilə Çempionlar Liqasının Liqa mərhələsində ilk dəfə üç xal qazanıb.
