Qəzzadan təxliyə edilən 68 Rusiya vətəndaşını daşıyan Rusiya Fövqəladə Hallar Nazirliyinə məxsus təyyarə Moskvaya doğru yola düşüb.
"Operativ Məlumat Mərkəzi-OMM" xəbər verir ki, bu barədə Nazirliyin mətbuat xidmətindən məlumat verilib.
Ümumilikdə 951 nəfər münaqişə zonasından təxliyə edilib. Onlardan 380 nəfəri azyaşlıdır.
Nazirlikdən bildirilib ki, böhran mərkəzi Misirdə fəaliyyətini davam etdirir. İnsanlar bütün lazımi yardım və dəstəyi alırlar. Xilasetmə qrupları, psixoloqlar və tibb işçiləri insanların özlərini təhlükəsiz hiss etmələri üçün əllərindən gələni edirlər.
