Çində Ay təqviminə görə yeni ilin qeyd olunduğu Bahar bayramı zamanı səyahət edən şəxslərin sayı rekord həddə — 353 milyona çatıb.
“Operativ Məlumat Mərkəzi-OMM” xəbər verir ki, Çinin Nəqliyyat Nazirliyinin açıqlamasına əsasən, 40 günlük (2 fevral - 13 mart) tətil dövrünün 19-cu günü olan 20 fevral tarixində ölkə daxilində kütləvi yerdəyişmə qeydə alınıb.
Qeyd edək ki, Çin ənənəsində insanların Yeni ili ailələri ilə keçirməsi üçün evlərinə qayıtması vacib hesab olunur. Bahar bayramı dövründə milyonlarla çinli məhz bu səbəbdən doğma şəhərlərinə səyahət edir.
Nazirliyin məlumatına görə, 2 fevraldan 13 marta qədər davam edən bayram tətili dövründə təxminən 9,5 milyard daxili səfər gözlənilir.
Səfərlərin sayı ötən ilin eyni dövrü ilə müqayisədə 12,3 faiz artaraq yeni rekordu qırıb.
