Çin və Hindistan Himalaydakı mübahisəli sərhəd bölgələrindəki gərginliyi həll etmək üçün danışıqların yeni raundları keçirib.
"Operativ Məlumat Mərkəzi-OMM" xəbər verir ki, bu barədə Çin Xarici İşlər Nazirliyi açıqlama verib.
Belə ki, Çin XİN sərhəd mübahisələrini həll etmək üçün həyata keçirilən Çin-Hindistan Sərhəd Məsələləri Məsləhətləşmə və Koordinasiya İş Mexanizminin 29-cu iclasının paytaxt Pekində baş tutduğunu açıqlayıb.
Açıqlamada bildirilib ki, iki ölkənin xarici işlər, müdafiə, immiqrasiya və digər nazirliklərinin rəsmilərinin iştirak etdiyi görüşdə hər iki tərəfin razılaşacağı planın tezliklə hazırlanmasına dair razılıq əldə olunub.
Sərhəddə vəziyyət normal idarəetmə və nəzarət mərhələsinə keçir.