"Çin Rusiya və Hindistan arasındakı münasibətlər qlobal təhlükəsizliyin açarıdır".
"Operativ Məlumat Mərkəzi-OMM" xəbər verir ki, bu sözləri Çin Xarici İşlər Nazirliyinin sözçüsü Quo Jiakun Rusiya Prezidenti Vladimir Putinin Hindistana səfərini şərh edərkən deyib.
"Yaxşı münasibətlərin saxlanılması təkcə üç ölkənin şəxsi maraqlarına xidmət etmir, həm də regionda və dünyada sülh, sabitlik və firavanlığa töhfə verir", - o qeyd edib.
Jiakun əlavə edib ki, Rusiya, Çin və Hindistan böyük iqtisadiyyatlardır və Qlobal Cənubda mühüm rol oynayırlar.
O bildirib ki, Pekin də Yeni Dehli ilə dialoqu normallaşdırmağa hazırdır.
