Afət Ziyadqızı
Çin prezidenti Xi Jinping, Almaniya kansleri Olaf Şolz ilə görüşdə, ÇXR-in Ukrayna böhranının həlli üçün həm Rusiya, həm də Ukrayna tərəfindən tanınan sülh konfransının keçirilməsinin tərəfdarı olduğunu söyləyib.
"Operativ Məlumat Mərkəzi-OMM" xəbər verir ki, bu barədə "RİA Novosti" məlumat yayıb.
"Çin həm Rusiya, həm də Ukrayna tərəfindən tanınan, bütün tərəflərin bərabər iştirakı və bütün sülh planlarının ədalətli müzakirəsi ilə beynəlxalq sülh konfransının vaxtında çağırılmasını dəstəkləyir", - deyə Çin lideri bildirib.
O, həmçinin vurğulayıb ki, Çin böhranın sülh yolu ilə həllinə kömək etmək üçün bütün səyləri təşviq edir və dəstəkləyir.
