Çin Xarici İşlər Nazirliyi rəsmi Pekinin Tailand ilə münasibətlərə verdiyi önəmi bir daha diqqətə çatdırıb.
"Operativ Məlumat Mərkəzi-OMM" xəbər verir ki, nazirliyin sözçüsü Lin Jian keçirdiyi mətbuat konfransında ölkəsinin qonşu dövlətə olan dəstəyini ifadə edib.
Sözçü bildirib ki, Çin yaxın və dost qonşu kimi Tailandın öz milli şərtlərinə uyğun inkişaf yolu seçməsini tam şəkildə dəstəkləyir.
Lin Jian həmçinin qeyd edib ki, rəsmi Pekin bu ölkədə sabitliyin qorunması və davamlı tərəqqinin təmin olunmasında maraqlıdır.
Xatırladaq ki, hər iki ölkə arasında diplomatik və iqtisadi əlaqələr strateji tərəfdaşlıq səviyyəsində inkişaf etməkdədir.
