Çin ümid edir ki, Birləşmiş Ştatlar digər ölkələri gözdən salmaq məqsədi daşıyan dezinformasiya yaymağı dayandıracaq.
"Operativ Məlumat Mərkəzi-OMM" xəbər verir ki, bunu Çin Xarici İşlər Nazirliyinin sözçüsü Lin Jian Pentaqonun sosial şəbəkələrdə Çinin koronavirus peyvəndini gözdən salmaq üçün kampaniya apardığı məlum olduqdan sonra bildirib.
“Ümid edirik ki, Birləşmiş Ştatlar öz mentalitetini düzəldəcək, böyük bir dövlətin məsuliyyətini öz üzərinə götürəcək və digər ölkələrə qarşı dezinformasiya istehsalını və yayılmasını dayandıracaq”, - o vurğulayıb.
Çin Xarici İşlər Nazirliyinin sözçüsü ABŞ-ın siyasətini “ictimai rəyi zəhərləmək” kimi qiymətləndirib.
