Cənubi Sudanda təyyarə qəzası nəticəsində 18 nəfər ölüb.
Bu barədə "Operativ Məlumat Mərkəzi-OMM" “Miraya” radiosuna istinadən xəbər verir.
Təyyarə Cənubi Sudandakı Uniti neft yatağının yerləşdiyi ərazidən həyata keçirilən uçuş zamanı qəzaya uğrayıb. Hava gəmisində ekipaj üzvləri də daxil olmaqla 21 nəfər olub.
"18 nəfər ölüb, daha 3 nəfərin vəziyyəti ağırdır. Ölənlər arasında pilot və köməkçisi də var", - məlumatda qeyd edilib.
