Koreya və ABŞ genişmiqyaslı “Azadlıq Qalxanı” təlimləri çərçivəsində KXDR ilə həmsərhəd bir şəhərdə təlim poliqonunda helikopterlərdən istifadə etməklə havadan hücum əməliyyatları həyata keçirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, tərəflər piyada diviziyalarından 400-ə yaxın hərbçi, eləcə də Cənubi Koreyanın 6 "Surion" helikopteri də daxil olmaqla 10-a yaxın texnika gətirib.
Təlimlər sərhəddən 30 km aralıda yerləşən Paju şəhərindəki poliqonda baş tutub.
“Azadlıq Qalxanı” adlı genişmiqyaslı təlimlər martın 20-nə qədər davam edəcək.
Ümumilikdə, təxminən 19 min Cənubi Koreya əsgər və zabiti cəlb olunacaq. Tədbirlər kompüter simulyasiyası və səhra manevrləri ilə komanda-qərargah təlimlərinə bölünür.
