Koreya Elektrik Enerjisi Korporasiyasının (KEPCO) baş direktoru Çon Son İl Türkiyənin enerji və təbii sərvətlər naziri Fatih Dönməzə bu ölkədə ümumi dəyəri 30 milyard ABŞ dollardan çox olan 4 nüvə reaktorunun tikintisi üçün ilkin müraciət edib.
"Operativ Məlumat Mərkəzi-OMM" xəbər verir ki, bu barədə “Yonhap” agentliyi məlumat yayıb.
Bildirilib ki, Cənubi Koreya bu layihənin həyata keçirilməsi üçün ətraflı plan təqdim edib. KEPCO bu il nüvə obyektinin tikintisi üçün texniki-iqtisadi əsaslandırmanın hazırlanmasına başlamaq və müqavilə imzalamaq niyyətindədir.
Xatırladaq ki, Cənubi Koreya şirkəti hələ 2022-ci ildə Türkiyə hökuməti ilə ölkənin şimalında atom elektrik stansiyasının tikintisi ilə bağlı danışıqlara başlayıb. Nüvə reaktorlarının 1 400 MVt elektrik enerjisi istehsal edəcəyi planlaşdırılır.