İranla əlaqəli olmaqda şübhəli bilinən hakerlər Britaniyada kiçik elektrik stansiyasını sıradan çıxara biliblər, obyektin işi dörd gün iflic olub.
Bu barədə “Operativ Məlumat Mərkəzi-OMM” "The Telegraph"a istinadən xəbər verir.
Hansı obyektə hücum edildiyi açıqlanmır.
Nəşrin məlumatına görə, hadisə Böyük Britaniyanın elektrik sisteminin bütövlükdə sabitliyinə təsir etməyib. Lakin hakimiyyət orqanları kiberhücum barədə Kiber Təhlükəsizlik Milli Mərkəzinə məlumat verib, enerji şirkətləri rəhbərləri üçün təcili brifinqlər keçirib və şirkətlərə təhlükəsizliklərini gücləndirmək üçün tövsiyələr verib.
Britaniya hakimiyyəti hesab edir ki, hücumun arxasında İranla əlaqəli haker qrupu dayanır.
Hücum ABŞ-nin su infrastrukturu obyektlərinə edilən bir sıra kiberhücumlarla eyni vaxtda baş verib. Bu hücumlar 12 ştata təsir edib və bəzi kommunal xidmətlərin operatorları müvəqqəti olaraq vacib məsafədən idarəetmə imkanlarını itiriblər.
