Cənubi Koreya Şimali Koreyanın nadir barışdırıcı reaksiyasını alqışlayaraq, bunu Koreya yarımadasında hərbi gərginliyin azaldılmasına doğru əhəmiyyətli addım adlandırıb.
"Operativ Məlumat Mərkəzi-OMM"-in xəbərinə görə, Cənubi Koreyanın Birləşmə Nazirliyi bildirib ki, Prezident Li Ce Myonun PUA-ların Şimali Koreyanın hava məkanına daxil olmasına görə üzr istəməsinə Pxenyanın reaksiyası illərdir davam edən sərt ritorikadan sonra irəliləyiş göstərir.
Araşdırmalar nəticəsində insidentdə Milli Kəşfiyyat Xidmətinin əməkdaşının və hərbi qulluqçunun iştirakı aşkar edilib.
Prezident bu hərəkətlərin hökumətin siyasətinə zidd olduğunu vurğulayaraq təəssüfünü ifadə edib.
Şimali Koreya liderinin bacısı Kim Yo Çjon "KCNA" dövlət xəbər agentliyində yayımlanan bəyanatında bu addımı müsbət qiymətləndirib.
Lakin o, bəzi xəbərdarlıqlar da edib:
- Seul birbaşa əlaqə cəhdlərindən çəkinməlidir.
- Dövlət suverenliyinin pozulması təkrarlanarsa, bunun ağır bədəli olacaq.
Ekspertlər ümumi vəziyyətin hələ də gərgin qaldığını vurğulayırlar. Cənubi Koreya rəsmiləri isə sülh şəraitində birgəyaşayış siyasətini davam etdirəcəklərini və hərbi gərginlik riskini azaltmağa sadiq olduqlarını bir daha bəyan ediblər.
