ABŞ Senatı həbsxanada ölü tapılan milyarder Ceffri Epstaynla bağlı bütün sənədlərin ictimaiyyətə açıqlanmasını nəzərdə tutan qanun layihəsini qəbul edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Senatda səsverməyə çıxarılan “Epstayn Sənədləri Şəffaflıq Aktı” adlı layihənin lehinə bütün senatorlar səs veriblər.
Bu nəticə ilə Amerika ictimaiyyətinin uzun müddətdir açılmasını gözlədiyi Epstayn sənədləri ilə bağlı Konqresin hər iki palatası da hüquqi addım atmış olub.
Senatda da təsdiqlənərək Ağ Evə göndərilən layihə ABŞ Prezidenti Donald Tramp tərəfindən imzalanacağı halda qanun qüvvəsinə minəcək.
Layihə ABŞ Ədliyyə Nazirliyinin nəzdində olan bütün Ceffri Epstayn sənədlərinin ictimaiyyətə açıqlanmasını nəzərdə tutur.
