"Hazırda Ukraynanın NATO-ya qoşulması perspektivləri alyans daxilində mübahisəli məsələ olaraq qalır və bu məsələ ilə bağlı müxtəlif fikirlər mövcuddur".
"Operativ Məlumat Mərkəzi-OMM" xəbər verir ki, bunu Türkiyənin xarici işlər naziri Hakan Fidan Kiyevdə Ukraynanın xarici işlər naziri Andrey Sıbiqa ilə keçirdiyi mətbuat konfransında deyib.
"NATO və Ukrayna məsələsi alyans daxilində çox ciddi müzakirə mövzusudur. Müzakirələr uzun müddətdir ki, gedir və onların müxtəlif parametrləri var. Davam edən müharibənin reallığı da nəzərə alınır. Bu, alyansa üzv ölkələrin müxtəlif mövqelərdən yanaşdığı məsələdir. Təbii ki, bu məsələ ilə bağlı danışıqlar NATO çərçivəsində davam etdiriləcək", - nazir bildirib.
