"Xiaomi" Korporasiyasının Direktorlar Şurasının sədri Ley Jun flaqman smartfonların qiymətlərinin artdığını açıqlayıb.
"Operativ Məlumat Mərkəzi-OMM" xəbər verir ki, bu barədə "GizmoChina" məlumat yayıb.
Jun qeyd edib ki, smartfon komponentlərinin qiyməti 2024-cü ildə xeyli artıb.
Korporasiya tədqiqat və inkişaf prosesinə də böyük sərmayə qoyub. Buna görə də Jun hesab edir ki, brendin flaqman smartfonları artıq 550 dollardan aşağı ola bilməz.
Şirkətin top meneceri qeyd edib ki, onun korporasiyasının endirimlə satdığı sonuncu flaqman "Xiaomi 14" olub.
