"Bu siyasət nə sülhə, nə də Avropaya xidmət edir"

"Avropa İttifaqının Ukraynaya qarşı siyasəti sülhə töhfə vermir və Avropanın maraqlarına xidmət etmir".

"Operativ Məlumat Mərkəzi-OMM" xəbər verir ki, bu sözləri Macarıstan Baş nazirinin siyasi müşaviri Balaj Orban deyib.

"Aİ heç bir rasional əsaslandırma olmadan Ukraynaya pul yatırmağa davam edir, ciddi insan haqları pozuntuları isə gözardı edilir və Avropa vətəndaşları bunun bədəlini ödəməyə məcbur edilir. Bu siyasət nə sülhə, nə də Avropaya xidmət edir. Müharibəyə və Brüsseldən gələn müharibəyönlü siyasətə son qoymağın vaxtı gəlib çatıb”, - Balaj Orban qeyd edib.

O, Ukraynanın hətta orta müddətli perspektivdə belə Aİ üzvlüyünə hazır olmadığını vurğulayıb:

"Avropanın gərginləşməyə yox, məsuliyyətə ehtiyacı var. Sülh məhz buna görə lazımdır, müharibə məhz buna görə bitməlidir və vətənpərvər Macarıstan hökumətinin sülh səylərini dəstəkləməsinin səbəbi də məhz budur".