“Rusiya Prezidenti Vladimir Putinlə ABŞ Prezidenti Donald Trampın qarşıdakı görüşü, çox güman ki, Ukrayna böhranının həlli üzrə dialoqun başlanmasına hazırlıq mərhələsi olacaq”.
"Operativ Məlumat Mərkəzi-OMM" TASS- a istinadən xəbər verir ki, bu sözləri çinli ekspert Tsyan Fen deyib.
“Rusiya-Ukrayna münaqişəsi kontekstində bu görüş sülh danışıqlarını irəlilətmək imkanı kimi qiymətləndirilir. Bu görüş daha çox gələcək dialoqa hazırlıq xarakteri daşıyacaq, nəinki atəşkəs sazişinin imzalanmasına birbaşa səbəb olacaq”, – deyə o bildirib.
Çinli politoloqun sözlərinə görə, Rusiya-Ukrayna münaqişəsinin həlli hələ də çoxtərəfli danışıqlardan asılıdır və irəliləyiş tərəflərin sanksiyalar, ərazi məsələləri və təhlükəsizlik problemi kimi struktur çəkişmələrdə balans tapıb-tapmamasından asılı olacaq.
Onun sözlərinə görə, Putin və Tramp sammitdə qismən razılaşma əldə edə bilsələr, bu, iki ölkə arasında gərginliyin azaldılmasına, gələcək dialoqun və Rusiya-Amerika münasibətlərinin inkişafının əsasının qoyulmasına kömək edəcək.
