Brüsseldə jurnalistlər Qəzzada həmkarlarının öldürülməsinə etiraz ediblər

Belçikanın paytaxtı Brüsseldə jurnalistlər İsrailin Qəzzada həmkarlarını öldürməsinə etiraz edərək media qurumlarını hərəkətə keçməyə çağırıblar.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Brüsseldə yerləşən Beynəlxalq Jurnalistlər Federasiyası (IFJ), İngiltərə və İrlandiyada fəaliyyət göstərən Milli Jurnalistlər Birliyinin (NUJ) və Fələstin Jurnalistlər Birliyinin (PJS) nümayəndələri yerli vaxtla saat 13.30 radələrində Şuman meydanında toplanıb.

“Fələstinli jurnalistlərə azadlıq”, “İsrail, Qəzzada jurnalistləri öldürməyi dayandırın”, “Qəzzədə jurnalistlər, biz sizinləyik” yazılı plakatlar daşıyan jurnalistlər meydanda mətbu jiletli karton tabutu qoyub və bir dəqiqəlik sükutla anıblar.