OMM Redaksiyası
Böyük Britaniyanın Baş naziri Endi Börnham bu gün Ukrayna Prezidenti Volodimir Zelenskini qəbul edəcək.
“Operativ Məlumat Mərkəzi-OMM” xəbər verir ki, bununla bağlı Böyük Britaniya Baş nazirinin ofisi məlumat yayıb.
Görüş zamanı Londonun Ukraynaya yüngül çoxməqsədli raketlərin (LMM) tədarükünü sürətləndirəcəyi açıqlanacaq.
"Ukrayna xalqına müraciətim tamamilə aydındır, biz ehtiyac duyduğunuz müddət ərzində sizinlə olacağıq və sizə daha genişmiqyaslı və operativ dəstək göstərəcəyik", - Börnham deyib.
Qeyd olunub ki, yüngül çoxməqsədli raketlərin tədarükünün sürətləndirilməsi ilə yanaşı, London Kiyevə 45 milyon funt sterlinq dəyərində zenit raketləri də təqdim edəcək.
"Böyük Britaniya artıq növbəti dörd il ərzində Ukraynaya 5 mindən çox LMM raketinin tədarükü üçün 1,6 milyard funt sterlinq ayırıb. Bu gün elan edilən 45 milyon funt sterlinqlik raket paketindən 10 milyon funt sterlinqin ayrılması da sürətləndiriləcək", - məlumatda bildirilib.
Baş nazir, həmçinin yaxın həftələrdə Kiyevə təcili yardım göstərilməsi məqsədilə Rusiyaya qarşı əlavə sanksiya paketlərinin hazırlanması, Ukraynaya hərbi yardımın artırılması və maliyyə dəstəyinin göstərilməsi ilə bağlı nazirlərə tapşırıq verib.
