"Böyük Britaniya atəşkəs rejiminə nəzarət etmək üçün qoşunlarını Qəzza sektoruna göndərməyi planlaşdırmır".
"Operativ Məlumat Mərkəzi-OMM" xəbər verir ki, bu sözləri Britaniyanın xarici işlər naziri İvett Kuper deyib.
“Bu, bizim planlarımızda yoxdur. Lakin ABŞ-nin bu prosesi dərhal öz üzərinə götürməsi və yerində baş verənləri izləməsi, girovların azad olunması prosesinə, sazişin birinci mərhələsinin icrasına və humanitar yardımın çatdırılmasına nəzarət etməsi ilə bağlı təklif var. Amma ABŞ yerli ərazidə qonşu ölkələrin hərbi iştirakını gözlədiklərini bildiriblər”, – o bildirib.
Kuper əlavə edib ki, Böyük Britaniya Misir və İordaniya da daxil olmaqla bir sıra ölkələrlə birlikdə Qəzzanın bərpası üçün investisiyaların cəlb edilməsi istiqamətində danışıqlar aparacaq.
