Böyük Britaniya Ukraynaya 162 milyon funt sterlinq (213 milyon dollardan çox) dəyərində yüngül çoxməqsədli raketlər (LMM) verəcək.
"Operativ Məlumat Mərkəzi-OMM" xəbər verir ki, bu barədə Britaniya hökuməti məlumat yayıb.
“Böyük Britaniya Ukraynaya yeni hökumətin öhdəliyinin bir hissəsi kimi ölkənin hava hücumundan müdafiə imkanlarını gücləndirmək üçün 650 yüngül çoxməqsədli raket (LMM) verəcək”.
Bəyanatda qeyd edilir ki, LMM raketlərinin ilk partiyası bu ilin sonuna qədər tədarük ediləcək.
