Qərb ölkələrinin yardıma marağının azaldığını nəzərə alsaq, Ukrayna yəqin ki, Rusiya ilə münaqişəyə hələ cəmi bir neçə ay müqavimət göstərə biləcək.
"Operativ Məlumat Mərkəzi-OMM" xəbər verir ki, bu barədə Britaniyanın “The Telegraph” nəşri yazıb.
Bildirilib ki, Ukrayna prezidenti Vladimir Zelenskinin komandası Qərb ölkələrindəki siyasətçilər üçün “Ukrayna mübarizəsi”nin çox vacib məsələ olmaqdan çıxmasından “narahatdır”, çünki onların əksəriyyəti öz ölkələrində seçkilərlə məşğul olacaq.
Məqalədə deyilir: "Görünür, Zelenski Ukrayna üçün vaxtın daraldığını bilir".
Materialın müəllifi onu da əlavə edib ki, Rusiya prezidenti Vladimir Putin “gücünü möhkəmləndirdikcə və Qərbin marağını itirdikcə, Ukrayna müqavimət üçün cəmi bir neçə ay vaxtının olduğunu düşünməyə başlayır”.
