BMT-nin baş katibi Antonio Quterreş HƏMAS-ı bütün girovları dərhal azad etməyə, İsraili isə Qəzza zolağına humanitar yüklərin çatdırılmasına icazə verməyə çağırıb.
"Operativ Məlumat Mərkəzi-OMM" xəbər verir ki, bu barədə BMT bəyanat yayıb.
"Hamımızın Yaxın Şərqdə uçurumun astanasında olduğumuz bu dramatik anda, BMT-nin baş katibi kimi iki humanitar çağırış etmək mənim borcumdur. Mən HƏMAS-ı girovları dərhal və qeyd-şərtsiz azad etməyə çağırıram. İsraili Qəzzanın mülki əhalisinin xeyrinə humanitar yüklərə sürətli və qeyri-məhdud çıxış imkanı verməyə çağırıram.
Qəzzada su, elektrik və digər mühüm resurslar tükənir. BMT-nin Misir, İordaniya, İordan çayının qərb sahili və İsraildəki anbarlarında ərzaq, su, qeyri-ərzaq malları, dərman və yanacaq ehtiyatları var. Bu mallar göndərilə bilər".
