Yunanıstanın baş naziri Kiriakos Mitsotakis və Misir prezidenti Əbdülfəttah əs-Sisi Yaxın Şərqdə münaqişənin mümkün gərginləşməsindən narahatdırlar.
"Operativ Məlumat Mərkəzi-OMM" xəbər verir ki, bu barədə Yunanıstan baş nazirinin mətbuat xidməti onların telefon danışığından sonra məlumat verib.
Siyasətçilər HƏMAS-ın İsrailə qarşı terror hücumlarından sonra baş verən son hadisələri və Qəzza zolağındakı vəziyyəti müzakirə ediblər.
"Baş nazir humanitar böhranın qarşısının alınmasının vacibliyini vurğulayıb. İki ölkə liderləri humanitar yardımın Qəzzaya çatmasının vacibliyi ilə bağlı razılığa gəliblər, eyni zamanda böhranın genişlənməsi və bütün regiona yayılması ehtimalından narahat olduqlarını bildiriblər".
