BMT iflas təhlükəsi ilə üz-üzədir

BMT ciddi nağd vəsait çatışmazlığı ilə üzləşə biləcəyi və fəaliyyətlərini davam etdirməkdə çətinlik çəkə biləcəyi barədə xəbərdarlıq edib.

"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.

Bildirilib ki, dərinləşən maliyyə böhranının əsas səbəbi ABŞ-nin ödənilməmiş üzvlük haqlarıdır.

BMT xəbərdarlıq edib ki, illik milyardlarla dollar məbləğində üzvlük haqları, başda ABŞ olmaqla bəzi ölkələr tərəfindən ödənilməzsə, iyul ayına qədər qurumun xəzinəsi tamamilə boşala bilər və təşkilat maliyyə iflası riski ilə üzləşə bilər.

Maliyyə vəziyyətindəki narahatedici gedişata diqqət çəkmək məqsədilə yanvarın sonunda üzv dövlətlərə məktub göndərən BMT-nin Baş katibi Antoniu Quterreş bildirib ki, 2025-ci ili rekord səviyyədə ödənilməmiş borcla başa vurublar:

“Dərinləşən böhran proqramların icrasını təhlükə altına salır və maliyyə iflası riskini artırır. Vəziyyət yaxın gələcəkdə daha da pisləşəcək”.