ABŞ tərəfindən Hörmüz boğazının blokadaya alınması Amerika hərbçiləri arasında yeni itkilərə səbəb ola bilər.
"Operativ Məlumat Mərkəzi-OMM" xəbər verir ki, bu barədə CNN telekanalı məlumat yayıb.
Boğazın blokadasını təmin etmək üçün ABŞ-dən böyük hərbi resurslar tələb olunacaq. Bu vəziyyət hərbçiləri təhlükə altına atır, çünki indiyədək ABŞ İrana qarşı hücumlarını əsasən havadan həyata keçirib.
İranın Amerika gəmilərinə dronlar və katerlərlə hücum edəcəyini vəd etməsini nəzərə alsaq, hərbçilər arasında ölüm hallarının artması riski mövcuddur.
Xatırladaq ki, fevralın 28-də ABŞ və İsrail İrana qarşı hərbi əməliyyatlara başlayıb. Tehran da daxil olmaqla, böyük şəhərlər zərbələrə məruz qalıb. Buna cavab olaraq, İran İslam İnqilabı Keşikçiləri Korpusu İsrailə hücum edərək genişmiqyaslı əməliyyat keçirib. İran rəhbərliyi həmçinin Hörmüz boğazını ABŞ, İsrail və onlara dəstək verən ölkələrin gəmiləri üçün bağlamaq qərarına gəlib.
