“ABŞ milli təhlükəsizlik məqsədləri üçün Qrenlandiyaya ehtiyac duyur".
"Operativ Məlumat Mərkəzi-OMM" xəbər verir ki, bu sözləri ABŞ Prezidenti Donald Tramp deyib.
“Bu, inşa etdiyimiz Qızıl Qübbə üçün həyati əhəmiyyət daşıyır. NATO bu ərazini əldə etməyimiz üçün öncülük etməlidir. Əgər biz bunu etməsək, Rusiya və ya Çin edəcək və bu, baş verməməlidir.
Hərbi baxımdan, ilk prezidentlik dövrümdə böyük ölçüdə inşa etdiyim və indi isə daha yeni və daha yüksək səviyyəyə qaldırdığım ABŞ-nin möhtəşəm gücü olmadan NATO təsirli bir qüvvə və ya çəkindirici amil ola bilməz, buna hətta yaxınlaşa da bilməz. Onlar bunu bilirlər, mən də bunu bilirəm.
Qrenlandiya ABŞ-nin nəzarətində olduqda NATO daha güclü və daha təsirli olacaq. Bundan aşağısı qəbuledilməzdir”, - o qeyd edib.
