Bitkoinin qiyməti qısa müddət ərzində rekord həddə çatıb

Dünyanın ən böyük kriptovalyutası olan Bitkoin-in qiyməti qısa müddət ərzində 69 min dollardan çox olan yeni rekorda çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Bitkoin 2021-ci ilin noyabrında müəyyən edilmiş əvvəlki rekordu üstələyib. Yeni qiymət artımı ABŞ maliyyə nəhənglərinin bitkoinlərin alınmasına milyardlarla vəsait xərcləmələri ilə təkan verib.

CoinMarketCap kriptovalyuta bazarı məlumat platformasına görə, bitkoinin dəyəri son bir ayda 50%-dən çox artıb.