Yanvarın 28-də fransalı və almaniyalı həmkarlarının etirazlarına qoşularaq Belçikada dörd böyük magistral yolu bağlayan fermerlər fevralın 1-də Brüsselə girişləri bağlamaqla hədələyirlər.
"Operativ Məlumat Mərkəzi-OMM" xəbər verir ki, bu barədə “Derniere Heure” qəzetinə nümayişlərin əsas təşkilatçısına çevrilmiş Belçika Gənc Fermerlər Federasiyasının nümayəndəsi məlumat verib.
“Tələblərimiz eşidilməzsə, Brüsselə girişi əngəlləyəcəyik. Bu artıq fevralın 1-də mümkündür”, – o vurğulayıb.