BƏƏ-nin vasitəçiliyi ilə Rusiya və Ukrayna arasında məhbus mübadiləsi baş tutub

Birləşmiş Ərəb Əmirlikləri (BƏƏ) Rusiya və Ukraynanın vasitəçiliyi sayəsində yeni hərbi əsir mübadiləsinin baş verdiyini açıqlayıb.

"Operativ Məlumat Mərkəzi-OMM" xəbər verir ki, bu barədə BƏƏ Xarici İşlər Nazirliyi açıqlama yayıb.

Bəyanatda hər iki tərəfdən hərbi əsirlərin vasitəçilik sayəsində azad edildiyi bildirilib və vasitəçilik səylərinin uğurunu təmin etmək üçün əməkdaşlığı alqışlayan Rusiya və Ukrayna hökumətlərinə təşəkkür edilib.

Bəyanatda qeyd olunub ki, BƏƏ-nin vasitəçilik uğuru onun Rusiya və Ukrayna ilə möhkəm münasibətlərinə əsaslanır.

Belə ki, Abu Dabinin Ukrayna böhranının sülh yolu ilə həlli istiqamətində səylərini davam etdirəcəyinə diqqət çəkilərək, BƏƏ-nin vasitəçilik səyləri ilə bir neçə həftə əvvəl Rusiya ilə Ukrayna arasında hərbi əsir mübadiləsinin baş verdiyi xatırladılıb.