OMM Redaksiyası
"İranın münaqişənin nizamlanmasına yönəlmiş danışıqlarda vasitəçilik təklifinə nə Səudiyyə Ərəbistanı, nə də Yəməndəki husilər hərəkatı cavab verib".
“Operativ Məlumat Mərkəzi-OMM” xəbər verir ki, bu sözləri İranın xarici işlər naziri Abbas Əraqçi deyib.
"İran münaqişəyə son qoymaq məqsədilə danışıqlarda vasitəçilik etmək təklifinə Səudiyyə Ərəbistanından və ya Yəmən husilərindən cavab almayıb", - o vurğulayıb.
Nazir, həmçinin qeyd edib ki, Misirin husilərə qarşı mübarizədə Səudiyyə Ərəbistanına qoşulması vəziyyəti daha da mürəkkəbləşdirə bilər.
Bundan əvvəl Misir Ər-Riyadın təhlükəsizliyinin təmin olunması üçün ona mümkün olan bütün yardımı göstərməyə hazır olduğunu bəyan edib.
Qeyd edək ki, Səudiyyə Ərəbistanı husilərə qarşı mübarizədə Yəmənin hökumət qüvvələrinə hərbi dəstək verən ərəb koalisiyasına rəhbərlik edir. Koalisiya husilərin mövqelərinə hava zərbələri endirir. Buna cavab olaraq husilər Səudiyyə Ərəbistanının infrastrukturuna hücumlar etməyə başlayıblar.
