Yaponiyanın baş naziri Fumio Kişida sentyabr ayında istefa verəcəyini açıqlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, nazir bugün səhər keçirdiyi mətbuat konfransında Liberal Demokrat Partiyasının liderliyinə yenidən namizəd olmamaq qərarını bildirib.
Onun istefa qərarı partiya sədrliyinə və bununla da dünyanın dördüncü ən böyük iqtisadiyyatına rəhbərlik edəcək şəxsin tapılması uğrunda seçimi daha da gərginləşdirir.
Bir sıra qalmaqallar, xüsusən LDP-yə siyasi ianələrin toplanması zamanı maliyyə hesabatı qaydalarının pozulması səbəbindən hökumətin reytinqi rekord həddə aşağı düşdüyü üçün Fumio Kişida seçkilərdə iştirak etməmək qərarına gəlib. O, həmkarlarına qalmaqala görə məsuliyyəti öz üzərinə götürmək istədiyini və kiminsə bunu etməli olduğunu bildirib.
Kişida öz administrasiyasının nailiyyətləri sırasında əmək haqlarının artırılması və investisiyaların stimullaşdırılması üzrə tədbirləri, habelə Yaponiyanın dünya səhnəsində artan aparıcı rolunu qeyd edib.
Hakim Liberal Demokrat Partiyasının sədri vəzifəsinə seçkilər sentyabrda keçiriləcək. Seçkilərin qalibi ölkənin növbəti baş naziri olacaq.
