Afət Ziyadqızı
Türk birliyi yeni səviyyəyə çatacaq.
"Operativ Məlumat Mərkəzi-OMM" Türk Dövlətləri Təşkilatına (TDT) istinadən xəbər verir ki, bu barədə qurumun Baş katibi Kubançıkbek Ömüraliyev TDT-yə üzv ölkələrin sosial siyasət nazirlərinin birinci toplantısında çıxışı zamanı deyib.
O bildirib ki, bu iclas türk birliyinin daha da güclənməsinə töhfə verəcək.
Məlumata görə, baş katib tədbir çərçivəsində TDT-yə üzv ölkələrin sosial siyasət nazirləri ilə görüşüb.
Qeyd edək ki, bu gün İstanbulda TDT-yə üzv ölkələrin sosial siyasət nazirlərinin ilk iclası keçirilir. Azərbaycanı toplantıda Ailə, qadın və uşaq məsələləri üzrə Dövlət Komitəsinin sədri Bahar Muradova təmsil edir.
