OMM Redaksiyası
“Barselona”nın yarımmüdafiəçisi Qavi zədələrdən sonra psixoloji durumunun öhdəsindən necə gəldiyini açıqlayıb.
"Operativ Məlumat Mərkəzi-OMM" xəbər verir ki, futbolçunun sözlərinə görə, o, indiyədək psixoloqa müraciət etməyib, amma gələcəkdə bunu etmək istəyir. Qavi müsahibəsində psixoloq dəstəyinin insanın özünü pis və ya yaxşı hiss etməsindən asılı olmayaraq faydalı olduğunu deyib.
“Psixoloqa müraciət etmək həmişə faydalıdır. Özünü pis, hətta yaxşı hiss etməyinin əhəmiyyəti yoxdur – bu, yenə də vacibdir. Mən indiyədək psixoloqun yanına getməmişəm, amma bunu etmək istərdim. Özümü ailəmin əhatəsində təcrid etdim və bu, mənə çox kömək etdi”, – Qavi bildirib.
İspaniyanın “Sport” nəşrinin yazdığına görə, futbolçu bu fikirləri “Men’s Health” jurnalına müsahibəsində səsləndirib.
“Barselona” La Liqada yeddi turdan sonra 21 xalla turnir cədvəlinə başçılıq edir. Hans-Diter Flikin komandası növbəti matçını oktyabrın 10-da “Xetafe”yə qarşı keçirəcək.
