OMM Redaksiyası
“Barselona”nın cinah müdafiəçisi Alehandro Balde qış transfer pəncərəsində komandanı tərk edə bilər.
"Operativ Məlumat Mərkəzi-OMM" xəbər verir ki, bu barədə “Diario SPORT” məlumat yayıb.
Mənbənin məlumatına görə, Baldenin oyun vaxtı ilə bağlı vəziyyət dəyişməsə, 22 yaşlı futbolçu yanvarda klubdan ayrıla bilər. “Barselona” müdafiəçini icarəyə vermək variantını nəzərdən keçirir. Bununla Baldenin forma və oyun ritmini bərpa etməsi, gələn yay isə onunla bağlı yekun qərarın qəbul edilməsi planlaşdırılır.
İspaniya çempionatının cari mövsümündə Balde yalnız bir matçda meydana çıxıb və məhsuldar fəaliyyəti ilə yadda qalmayıb.
Gənc ispaniyalının “Barselona” ilə müqaviləsi 2028-ci ilin ortalarına qədər qüvvədədir.
