Ronald Arauxo yay transfer pəncərəsində “Barselona”dan ayrılaraq “Liverpul”a icarəyə keçib. Razılaşmaya əsasən, İngiltərə klubu 27 yaşlı müdafiəçini 55 milyon avroya almaq hüququna malikdir.
"Operativ Məlumat Mərkəzi-OMM" xarici KİV-ə istinadən xəbər verir ki, “Barselona” uruqvaylı futbolçunun çıxışını izləyir, lakin onun geri qaytarılması ilə bağlı planı yoxdur.
Kataloniya təmsilçisinin baş məşqçisi Hans-Diter Flik fərqli oyun üslubuna malik müdafiəçilərə üstünlük verir və Arauxoya güvənmir.
“Barselona” 55 milyon avro gözləyir
Kataloniya klubunun Arauxo ilə bağlı əsas marağı “Liverpul”un satınalma opsiyasını aktivləşdirərək 55 milyon avro ödəməsidir. “Barselona” artıq bu vəsaiti gözləyir və gələcək planlarını həmin məbləğə hesablayır.
“Liverpul”da Arauxonun oyunundan razı qaldıqları bildirilir. Futbolçunun İngiltərədə ona verilən şərait sayəsində ən yaxşı keyfiyyətlərini nümayiş etdirə bildiyi qeyd olunur.
