"Barselona" yarımmüdafiəçi Oriol Romeunun müqaviləsinə vaxtından əvvəl xitam verə bilər.
"Operativ Məlumat Mərkəzi-OMM" xəbər verir ki, bu barədə "Mundo Deportivo" nəşri məlumat yayıb.
Qeyd edilib ki, ispaniyalı futbolçu baş məşqçi Hans-Diter Flikin planlarında yer almır və klub onu transferə çıxarıb.
Bildirilir ki, 33 yaşlı oyunçu hələ heç bir klubla razılığa gəlməyib. Hazırda "Barselona" rəhbərliyi və Romeu əmək müqaviləsinin qarşılıqlı şəkildə ləğvi ilə bağlı danışıqlar aparır.
Futbolçu yeni komanda tapdığı halda, klub onu sərbəst buraxmağa hazırdır.
