“Barselona”nın mərkəz müdafiəçisi Erik Qarsiya klubla yeni müqavilə imzalamağa hazırlaşır.
"Operativ Məlumat Mərkəzi-OMM" "Mundo Deportivo"ya istinadən xəbər verir ki, tərəflər müqavilənin əsas şərtləri üzrə prinsipial razılıq əldə ediblər.
Kataloniya təmsilçisi Qarsiyanı əsas oyunçulardan biri kimi görür və onu gələcək komanda kapitanı hesab edir. 24 yaşlı futbolçu da danışıqların əvvəlindən müqavilənin uzadılmasında maraqlı olub — o, klubdakı mövqeyindən məmnundur və ayrılmaq niyyətində deyil.
Müdafiəçinin hazırkı müqaviləsi 2026-cı ilin yayında başa çatır.
