İspaniyanın “Barselona” klubu Lamin Yamalla müqaviləni yeniləyib.
"Operativ Məlumat Mərkəzi-OMM" xəbər verir ki, kataloniyalılar bununla bağlı rəsmi “X” səhifəsi vasitəsilə paylaşım ediblər.
Bildirilib ki, 16 yaşı hələ tamam olmayan vinger La Liqa çempionu ilə sözləşməsinin müddətini 2026-cı ilin yayına qədər uzadıb. Müqavilədə yer alan bəndə əsasən, futbolçunun sərbəst qalma məbləği 1 milyard avro olacaq.
Qeyd edək ki, Lamin Yamal cari mövsüm İspaniya çempionatında keçirdiyi 8 oyunda 1 məhsuldar ötürmə verib.
