"Barselona"nın baş məşqçisi Hans-Diter Flik növbəti mövsüm üçün Lamin Yamalın mövqeyində oynaya biləcək alternativ oyunçu axtarışlarını davam etdirir.
"Operativ Məlumat Mərkəzi-OMM" xarici KİV-ə istinadən xəbər verir ki, klub heyətdə ciddi dəyişikliklər etməyi planlaşdırır.
Hazırda 20 yaşlı isveçli futbolçu Runi Bardqci Yamalın əsas əvəzedicisi kimi nəzərdən keçirilsə də, "Barselona" rəhbərliyi onun satışına da müsbət yanaşır.
Klubun bu istiqamətdə qərarı hələlik qətiləşməyib.
Maraqlıdır ki, bir neçə klubun futbolçuya maraq göstərməsinə baxmayaraq, "göy-qırmızılılar" hələ də rəsmi və konkret təklif almayıblar.
Bu səbəbdən, gənc oyunçunun gələcəyi ilə bağlı qeyri-müəyyənlik hökm sürür.
Ötən mövsüm ərzində Bardqci bütün turnirlərdə ümumilikdə 28 matçda iştirak edib. O, bu görüşlərdə 2 qol vurmağı və 4 məhsuldar ötürmə ilə yadda qalmağı bacarıb. Qeyd edək ki, futbolçunun "Barselona" ilə hazırkı müqaviləsi 2029-cu ilin ortalarına qədər qüvvədədir.
