“Qaz İxrac” İdarəsinə məxsus “Alatava QPS qolu” yüksəktəzyiqli magistral qaz kəmərinin 0-cı kilometrində quraşdırılmış siyirtmədə görüləcək təmir işləri ilə əlaqədar noyabrın 13-də saat 14:00-dan işlər başa çatanadək “Alatava” QPS-dən qidalanan “Tbilisi prospekti” və “Mikrorayon” ölçü qovşaqlarından qaz təchizatı dayandırılacaq.
Bu barədə "Operativ Məlumat Mərkəzi-OMM"-ə “Azəriqaz” İstehsalat Birliyindən məlumat verilib.
Bildirilib ki, təmir işləri aparılan müddətdə Binəqədi və Nəsimi rayonlarının bir hissəsinin (Binəqədi rayonu 6-cı, 8-ci və 9-cu mikrorayonlar, Xutor qəsəbəsi, Vorovski yaşayış massivi, Biləcəri qəsəbəsinin bir hissəsində - Natəvan, Qabil Süleymanov, Rəşid İsmayılov, Yəhya Hüseynov, Şevçenko və Tolstoy küçələrinin ətrafı, “Motodrom” yaşayış massivi ərazisi, Nəsimi rayonu 1-ci, 2-ci, 3-cü, 4-cü mikrorayon, 1-ci və 2-ci Alatava, 20 Yanvar, A.Məhərrəmov, H.Əliyev prospekti) qaz təchizatında müvəqqəti fasilə yaranacaq.
