OMM Redaksiyası
Bakı Ağır Cinayətlər Məhkəməsində paytaxtda qətldə təqsirləndirilən Rahib Lətifov, xuliqanlıqda ittiham olunan qardaşları Qorxmaz Lətifov və Ramil Lətifovun cinayət işi üzrə məhkəmə prosesi davam edib.
"Operativ Məlumat Mərkəzi-OMM" xəbər verir ki, hakim Zeynal Ağayevin sədrliyi ilə keçirilən prosesdə hökm oxunub.
Hökmə əsasən, Rahib Lətifov 17 il azadlıqdan məhrum edilib. Qardaşı Qorxmaz Lətifov isə şərti cəza alıb və məhkəmə zalından azadlığa buraxılıb. Hadisənin digər iştirakçısı olan Ramil Lətifovun da barəsində şərti cəza verilib. O, istintaq və məhkəmə dövründə həbsdə olmayıb, onun barəsində polis nəzarətində qətimkan tədbiri seçilib.
